Ganacsatada Magaalada Jigjiga oo lakala Dooransiiyay ama Xabsi ama Shirka oo ay Udareeraan iyagoo Albaabada ulaabay Ganacsigooda.

Maamulka Lugbuur ayaa Shacabka ku dhaqan magaalada Jigjiga amar ku bixiyay inay ka soo qayb galaan Shirarka ka kala socda dhammaan Xaafadaha magaalada Jigjiga, Shirarkan oo Xaafad walba goonideed loogu qabanayo ayaa waxaa qasab lagaga dhigay Shacabka inay ka soo qayb galaan isla markaana Albaabada u xidhaan meheradahooda.

Shirarkan ayaa maalintoodii labaad galay iyadoo inta badan dadka ka soo qayb galaya lagu amray inay wax fashiliyaan amase ay sheegaan waxay og yihiin ee qof ay ku og yihiin isagoo qof waliba qof ka kale wax ku sheegayo si uu naftiisa u badbaadiyo.

Ilaa iyo hadda inta la ogsoon yahay waxaa Shirarkan lagu xidhay dhawr qof iyadoo wali aysan fari ka qodnayn oo uu soconayo Shirkani, lagana yaabo in dad badan oo kale xabsiga la dhigo.

Xaaladda Degaanka ayaad moodaa hadda inay gaadhay meeshii ugu darnayd iyadoo guryaha la isugu soo galayo oo hadda Xaafad Xaafad loo shirinayo lagana yaabo in xaaladdu faraha ka baxdo marba haddii aan la is nabad galyaynaynin.

Magaaladda Fiiq oo ay kataagan tahay Caryaa hadla oon laxidhin!!.

Wararka aanu ka helayno magaalada Fiiq ayaa sheegaya in Shirkii dhawaan Maamulka Lugbuur u qabtay Shaqaalaha Degmadaas uu wali socdo iyadoo intii uu shirkaasi socdayna dad badan xabsiga loo taxaabay kuwaas oo Maamulka Lugbuur ku eedeeyay inay Xidhiidh la leeyihiin Jabhadaha Degaanka ka dagaalama.

Warku wuxuu intaas ku darayaa in sidoo kale ay jiraan hanti iyo xoolo kale oo Guumaysigu kala wareegay qaar ka mid ah Dadweynaha magaalada Fiiq kuwaas oo Guumaysigu ku tilmaamay in dadkaas Wiilashooda ay ka tirsan yihiin Jabhadaha Xaq u dirirka ah. sidoo kalena ay jiraan Guryo la gubay oo ay lahaayeen dad Shacab ahi.

Haddaba halkan kuma soo koobi karno dhibaatada joogtada ah ee Guumaysiga iyo Maamulka Lugbuuri ku hayaan Shacabka S/galbeed taas oo inteeda badan uu ugu soo gabanayo Guumaysigu in Shacabkaasi xidhiidho la leeyihiin Jabhadaha Xaq u dirirka ah ee ka hawlgala Dhulka S/galbeed.

Email:Webmastar@soomaaligalbeed.com