SADEX QOF OO GANACSATO SOOMAALI AH OO LAGU DILAY WADANKA K/AFRIKA.

Seddex wiil oo somali ah ayaa geeriyootay seddex kalane waa la dhaawacay kadib markii kooxo hubaysan oo burcad ah una dhashay dalka south african ay weerar kusoo qaadeen goobo kala duwan oo dukaamo ku laahaayeen somaalidaasi oo ku yaala tuulooyinka wadanka south africa.

Weerarkii ugu horeeyay ayaa waxaa lagu qaaday laba dukaan oo ku yaalay tuulo lagu magacabo Matasana oo ilaa 25km u jirta magaalada East london ee wadanka koofur africa. weerarkaan ayaa waxaa ku geeriyooday laba ruux oo lagu kala
magacaabo Maxamed Xuseen Cabdulle iyo Axmed Cali Khayre halka weerarkani ay ku dhaawacmeen Xasan Daahir Sahal iyo Cabdullaahi Geele. labada wiil ee dhaawacantay ayaa mid ka mid ah dhaawaciisu yahay halis kuwaas oo loola cararay isbitaalka magaalada east london ee dalka south africa si halkaasi loogu baxnaaniyo.

Sidoo kale weerarka labaad waxa uu ka dhacay tuulada lagu magacaabo Plaskop oo dhanka waqooyi kaga beegan magaalda Restenburg ee gobalka north west ee wadanka koofur africa.waxaana weerarka kooxaha hubaysan ay ku qaadeen dukaan ay soomali ku lahaayeen tuulldaasi waxaan halkaas lagu dilay Cali Maxamed Cali halka uu dhaawacana ka soo gaaray Cabdulaahi Axmed Yuusuf.

Dhamaan dukaamadasi lagu dilay soomalida ayaa laga dhacay wixii lacag ah oo yaalay inkastoo milkiilayaasha dukaamada ku leh tuulada matasaan aya waxay go, aan ku gaareen in ay sameenayaan shaqo joojin mudo aysan cayimin milkkiilayaashaasi

: Arintani ayaa waxaa walaac ka muujiyay soomalida ku dhaqan wadankan south africa gaar ahaan kuwa dukaamada ku leh tuulooyinka ayagoo sheegay in ay tahay waxa iminka dhacayo xad ka bax aysan jirin cid u maqan ama xaquuqdooda u dooda

Dhanka kale Booliska amaanka ee dalka koofur africa ayaa soo kala gaaray goobahaasi ayagoo dabagalay burcadii balse nasiib daro ay haleeli waayeen waxayna wacad ku mareen in ay soo qaban doonaan isla markaana ay cadaalada hor keeni doonaan sidoo kale waxay sheegeen in ay ka xun yihiin falalkaan wuxuushnimada ah oo lagula kacaayo ganacsatada soomalia oo aanan waxba galabsan.

Si kastaba ha ahaatee falalkani isku mar dhacaya o lagu beegsanaayo soomalida ayaa ah markii labaad oo mudo bil gudaheed lagu ugaarsado ganacasada soomalida oo quud ka raadsata meelaha tuulooyinka ayagoo aysan awoodin in ay ku noolaada faras magaalooyinka

WADOOYINKA MAGAALADA JIGJIGA OO CIIDAMO ITOOBIYAAN AH LASOO DHOOBAY.

Maalmihii u dambeeyay siiba xilliyada habeenkii ah ayaa waxaa Ciidamo tiro badan oo ka tirsan Booliska Fadaraalka ah waxaa la soo dhoobay gudaha magaalada Jigjiga siiba meelaha waddooyinka ah iyo meelaha kale ee uu Shacabku ku badan yahayba.

Ciidamada ayaa la sheegayaa in ay baarayaan dadka caadiga ah iyagoo waydiinaya Waraaqahooda Aqoonsiga ah, iyo gaadiidka kale ee waddooyinka maraya, waxaana laga dareemayaa feejignaan balaaran.

Hawlgalkan baraaran ee ay ciidamada Fadaraalku ka fulinayaan gudaha Magaalada Jigjiga ayaa waxaa lagu sheegay in uu daba joogo qaraxii dhawaan ka dhacay magaalada Addis Ababa ee ay ku dhinteen dadka badani.

Askarta Fadaraalka ah ayaa waxay gaar ka hayaan inta badan goobaha muhiimka ah ee magaalada Jigjiga iyo wadooyinka waaweyn si ay uga hortagaan qaraxyo ka dhaca Magaalada taas oo khalkhal galin karta ammaanka magaalada Jigjiga

CIIDAMADA IYOOBIYA OO DAD SHACAB AH KU LAAYAY MAGAALADA BARDAALE.

Ciidamada Itoobiya ee shalay uu dagaalku ku qabsaday meel ku dhow degmada Bardaale ayaa dilay inka badan 14-qof oo rayid ah kuwaas oo la sheegay in ciidamada Itoobiya ay si bareer ah u dileen.

Meydadka dadkaan ay laayeen ciidamada Itoobiya ayaa laga helay gudaha degmada Bardaale iyo goobaha ku dhowdhow, waxaana dadkaan la sheegay inay badankood ahaayeen dad Beeraley ah iyo kuwa xoolo dhaqato ah.

Meydadka dadkan ay laayeen ciidamada Itoobiya ayaa lagu aasay qabuuro ku yaala degmada Bardaale si ay wararku sheegayaan, waxaana ilo lagu kalsoon yahay ay ku waramayaan inay jiraan dad weli la la'yahay.

Ciidamada Itoobiya ee falkaan xasuuqa ah geystay ayaa watay inka badan 18-gaari waxaana ay shalay subax ka soo bexeen magaalada Beydhabo ee xarunta gobolka Bay, iyagoo ku sii jeeday gudaha dalka Itoobiya.

Wararka laga helayo gobolka Bay ayaa sheegaya in ciidamada Itoobiyaanka ah ee shalay uu dagaalku ku qabsaday duleedka degmada Bardaale ay soo galbin doonaan ciidamo fara badan oo itoobiyaan ah kuwaas oo ka soo baxaya gudaha dhulka Itoobiya.
Caadiyan marka uu dagaal qabsado ciidamada Itoobiya ayaa si aan kala sooc laheyn waxa ay u laayaan dadka shacabka ah, iyagoo dilal arxan darra ah u geysta dadka maatada ah.

Dhawaan ayey aheyd markii ciidamada Itoobiya ay ku xasuuqeen inka badan 60-qof oo rayid ah deegaanka Carbiska oo ku dhow degmada Afgooye kadib markii qarax lala beegsaday mid kamid ah gaadiid kolonya ah oo ay wateen.

MADHABAA DHALANTEEDKA MARAYKANKA EE XEEBAHA SOOMAALIYA.

Dowladda Maraykanka ayaa markii ugu horeysay shaacisay inay dhistay ciidamo badmaaxiin ah oo si gaar ah uga howlgala xeebaha dalka Soomaaliya iyo tan gacanka Cadmeed.

Sargaal u hadlay dowladda Mareykanka ayaa ka dhawaajiyey in dowladda Mareykanku ay abuurtay qorshe lagula dagaalamayo kooxaha burcad badeedda ah si looga badbaadiyo afduubka joogtada ah ah oo ay kula kacaan maraakiibta shisheeye ee isticmaala xeebaha Somalia.

Wuxuu sheegay in ciidamadan gaarka ah ay adeegsan doonaan maraakiib iyo diyaarado Helicopter ah oo dulheehaaba xeebaha dalka Soomaaliya, si ay ula socdaan dhaqdhaqaaqa burcad badeedda.

Wuxuu intaas raaciyey in howlgalada nuucaan ah ee looga hortagayo burcad badeedda ay dhiira aglin xooggan siin doonto maraakiibta ganacsiga ee isticmaala biyaha gacanka Cadmeed iyo kan Soomaaliyaba.

Xeebaha Soomaaliya iyo gacanka Cadmeed ayaa labadii bil ee ugu dambeysay waxa ka dhacayey afduub baahsan oo kooxo burcad badeed Soomaali ah ay kula hacaan maraakiibta.

Si kastaba ha ahaate warka ku saabsan in dowladda Mareykanku ay ciidamo gaar ah u sameysa sidii looga hortagi lahaa falalka afduubka ah ayaa ku soo beegmaya xilli inka badan 10-markab ay afduub ahaan gacanta ugu jiraan kooxo burcad badeed Soomaali ah.

Email:Webmastar@soomaaligalbeed.com