Kolonyadii Ciidamada Itoobiya ee ay Mujaahidiinta MJXSG dhexda ugaleen oo lasheegay in ay Maxaabiis wadeen.

CiidamadaGumaysiga Itoobiya ee ay mujaahidiintu dhexda ugaleen kana gubeen baabuurka Zuuga ah ayaa laxaqiijiyay in ay wadeen maxaabiisay kasoo qaadeen dhanka magaalada Dhuxun iyagoo usii waday xarunta gobolka Nogob ee magaalada Fiiq ee wadanka s/galbeed.

Maxaabiistan ay ciidamada gumaysigu kasoo kaxeeyeen magaalada dhuxun ayaa ahaa dad rayid ah oo ay ciidamada gumasysigu ku eedaynayaan in ay yihiin dad martigaliyay ciidamada dagaal yahannada s/galbeed ee u dagaalamaya in ay cawga kaxoreeyaan wadankooda.

Maxaabiistan ayaa hada ku sugan magaalada Fiiq ee iyagoo lafilayo in uu meeshaas gaadho Ina Ilay oo larabo in lagu soo dhaweeyo maxaabiistaas iyadoo latusayo in uu gobolku shaqeeyay oo uu dadka shacabka ah ladhibay.

Qaar Ka mid ah Imaamyada Magaaladda Jigjiga oo ay CiidamadaGumaysiga Itoobiya Xabsiga u Taxaabeen.

Wararka ka imaanaya magaalada Jigjiga ayaa sheegaya in Xabsiga magaalada Jigjiga loo taxaabay dhawr Culimada Jigjiga ka mid ah, Culimada xabsiga loo taxaabay ayaa waxaa ka mid ah, Sheekhii masaajidka Sheekh C/salaam ee Jigjiga oo lagu magacaabo Sh. Cabdulqaadir, iyo Sheekh Abubakar oo isna ahaa Gudoomiyaha masaajidka Anwar, sidoo kale waxaa isna xabsiga la dhigay dhawr kale oo dhammaantood isugu jira Culimo iyo dad caan ka ah magaalada sida Mohamed Soomaali oo isagu ka mid ahaa Gudida masaajidka Fooqa ee Jigjiga.

Sida ay sheegayaan ilo xogagaal ah oo Shabakadda Soomaaligalbeed u waramay Sheekhyadan ayaa siyaabo kala duwan xabsiga loogu taxaabay, Sheekh C/qaadir waxaa xabsiga loogu taxaabay kaddib markii uu ka soo horjeedsaday Shirkii dhawaan Culimada uga socday magaalada Jigjiga isagoo ka soo qayb galayaashii Shirkaasna ku tilmaamay inay ka mid yihiin Jabhaddaha.

Sheekha ayaa markii hadaladaas uu yidhi isla markiiba lagu qaaday Gaadhi oo xabsigana sidaa lagu dhigay. Sheekh Abuubakar Guddoomiyaha gudida masaajidka Anwar ayaa isna loo haystaa inuu taageero buuxa siiyo Jabhadaha xaq u dirirka ah, Ninka kale ee lagu magacaabo Mohamed Soomaali oo isagu caan ka ah Degaanka siiba Jigjiga ayaa isaga loo haystaa hadal uu yidhi dhawaan markii ay daadasha waaweyni ka dhaceen magaalada Jigjiga wakhtigaas oo uu sheegay in Maamulka Lugbuur uusan jirin wax uu u qabtay dadkiii ku waxyeeloobay daadashaas isla markaana aysan jirin cid wax u qabatay, wakhtigaas oo ay Dawladdu sheeganaysay inay wax u tartay dadkaas.

Haddaba Culimadan xabsiga loo taxaabay ayaa qayb ka noqonaya dhibaatooyinka kala duwan ee Guumaysigu iyo Lugbuur ku hayaan Shacabka S/galbeed taas oo marba marka xigta isa soo taraysa iyadoo wakhtigan xaadirka ahna loo soo dhigtay Culimadii oo hadda ka cabsi qaba in Degaankaba laga cidhibtiro Culimada iyo Diinta sida uu doonayo Guumaysigu.

Email:Webmastar@soomaaligalbeed.com