jAALIYADDA SOOMAALIDDA EE DALKA SOUTH AFRICA SASA OO SHAHASADO SHARAF GUDOONSIISAY MID KA MID AH MADAXDA DALKAAS.

PORT ELIZABETH: xaflad si weyn loo soo agaasimay oo manta lagu qabtay xarunta wasaaradda shaqadda & shaqaalaha ee magaaladda port Elizabeth ayeey jaaliyadda soomaaliyeed ee dalka k/afrika (SASA) ku gudoonsiisay shahaado sharaf wasiirka shaqadda & shaqaalaha mudane: martin & police director mudane: meyer ,

Masuulkan oo gacan weyn ka geystay Markey socotay jinsi naceebkii ka dhacay dalka k/afrika iney garab istaagaan ummadda soomaaliyeed eek u dhaqan gobolka Eastern cape ayagoo wada shaqeyn dhab ah la sameeyay maamulka jaaliyadda habeen &maalina u taagnaa wax ka qabadka dhibaatooyinka & meelaha wax laga soo sheego

Telefoonadoodana u furay habeen &maalin bulshadda soomaaliyeed & dhiiri galinta ganacsatadda soomaaliyeed iney sii wataan shaqooyinkoodii eeyna muujinin wax cabsi ah,

Jaaliyadda soomaaliyeed ee dalka k/afrika SASA ayaa abaalkaas aana marnaba hilmaamin go’aansatayna ineey abaalkaas mar uun mahad celin ka geysato, Xafladda manta ooy ka soo qeyb galeen laamaha dowladda oo dhan & saxaafadda dalka & marti ka socotay dowladda mareykanka oo markaas ku sugneyd xarunta wasaaradda shaqadda & shaqaalaha,

Gudoomiyaha jaaliyadda soomaaliyeed ee gobolka Eastern cape mudane: qaasim boosh cali ,asagoo cabiray mahad celintii bulshadda soomaaliyeed , gudoomiyaha waxaa ku waheliyay xafladdaas c/raxmaan Raabi gudoomiye kuxigeenka ,muxiyadiin nuur jilley madaxa maaliyadda & maareeynta,

Kadibna waxaa kalimad mahad celin ah meeshii ka jeediyay oo soomaalida aad & aad u amaanay wasiirka wasaaradda martin & police director meyer

SASA ayaa xiriir dheer la leh dowladda k/afrika laamaheeda kala duwan ayadoo la diiwaan galiyay 10 september 1999,Ayadoo ah magacii koobaad ee soomaaliyeed ee soo gala wadanka k/afrika

abu sumaya

s/afrika

SHACABKA S/GALBEED OO LOO DIIDAY IN AY RABITAANKOODA KU SOOMAAN HADII AY BISHU DHALATO.

Shacabka ku dhaqan magaalada Fiiq ayaa amar lagu siiyay in Bisha Soon aysan la soomin Wadamada Carabta siiba Sacuudiga oo ay iyagu ku soomaan un Aragtida bisha, amarkan ayaa waxaa uu ka soo baxay kuwa isku sheega inay Shacabka dhinaca diinta hoggaan u yihiin oo la shaqeeya Maamulka Lugbuur ee magaalada Fiiq.

Haddaba Amarkan ayaa dad badan cabsi galiyay kuna tilmaamay inay tahay mid aan sharciga waafaqsanayn oo dunida muslimku meeshii laga arko bisha ay inteeda kale ku soomayso, balse Dhulka Soomaaligalbeed maadaama uu Guumaysigu xoog ku haysto waxaa adag sidii Shacabku diintooda xoriyad ugu heli lahaayeen.

Dunida Muslimka oo dhan ayaa si diiran waxay u sugayaan curashada bisha Ramadaan ee barakaysan taas oo maalinta bari ah ama saadambe la wada sugayo inay bilato, walaw khilaaf badani ka dhaco aragtida bisha Soon haddana dunida inteeda badan hal maalin ayay wada soomaan.

DEGMADA GALAADI EE DHULKA S/GALBEED OO MAXAABIIS BADAN OODA LAGA QAADAY.

ku dhawaad 30 Qof oo Rayid ah oo ay Ciidamada Gumeysiga Itoobiya ee xooga ku haysta Dhulka S/Galbeed Qafaasheen ayaa dib u helay Xoriyadoodii ka dib markii ay mudo 4 Bilood ah ku xirnaayeen Xabsi ku yaala Degmada Galaadi ee Dhulka S/Galbeed.

Ilo wareedyo lagu kalsoonyahay ayaa sheegay in 30 qof oo ay ku jiraan Dumar iyo Caruur yar oo qaarkood ay isku reeryihiin laga sii daayay xabsi ay ciidamada Gumeysiga Itoobiya ku xirteen ka dib wada hadal mudo socday la yeesheen Odayaal dhaqmeedyo ka soo jeeda dadkaasi Taliska Ciidamada Gumeysiga.

Dadkan la sii daayay ayay markii hore ciidamada Gumeysiga Itoobiya ka qafaasheen deegaano hoos yimaada Degmada Yamaarugleey, waxaana la sheegayaa in ay ahaayeen dad xoola leey ah isla markaana ay dayacmeen xoolahoodii ka dib markii ay ciidamada Gumeysiga ka dhex qafaasheen xoolahoodii iyo reerkoodiiba.

Mid ka mid ah dadka la sii daayay oo la hadlay qaar ka mid ah Warbaahinta Soomaaliyeed ayaa sheegay intii ay xabsi ku jireen ay ciidamada Gumeysiga Itoobiya dhibaatooyin badan kula kaceen, isaga oo sheegay in ay ciidamada Gumeysiga ku amreen in mudo Bil gudaheed ah ay klu Bixiyaan qof aan la garanayn cid dishay diyadiisa oo gaaraysa 100 Neef oo Geel ah.

Ma jirto illaa iyo hadda cid ka ha dasha Tacadiyada kala duwan ee Joogtada ah ee ay ciidamada Gumeysiga Itoobiya kula kacayaan Shacabka Dhulka S/galbeed ee la gumeysto in ka badan Hal Qarni.

XABSIYADA S/GALBEED OO AY BUUX DHAAFIYEEN DAD IYO DUUNYABA.

Wararka nagasoo gaadhaya Gobalka Fiiq, gaar ahaan degmada Dhuxun ayaa sheegaya in lagu xidhxidhay dad aad ubadan oo isugu jira odayaal, Culimo owdiin & dhalinyaro, halka Magaalada fiiq ay buux dhaafiyeen xabsiyadu Geel laga soo xidh xidhay Deegaanka uu ka kooban yahay Gobolka Fiiq.

Dadkan lagu xidh xidhay Dagmada Dhuxun ayaa kor udhaafay 35 ruux. dadkaas qaar kamid ah ayaa lasheegay in aad loojidh dilay oo ay xaaladooduu Culustahay.

Dadkaas aadka udirada badan ayaa waxaa noo suuro gashay in aan kaxusno macyadooda dadkan hoos ku qoran oo ahaa dadkii ugu caansanaa deegaankaas sida Culima owdiinka & odayaalka.
1- Sh. Cabdi Mataan Cabdile
2- C/laahi Barkhadle Khaliif
3- Sh. Cali Barkhadle Khaliif
4- C/qaadir Sh/Xuseen C/laahi
5- Maxamed Xaaji Daahir Xaaji Cabdi
6- Iyo Qorane Maxamuud.

Hadaba dadkaas oon waxba galabsanin ayaa si xaqdara ah loogu hayaa Xabsiga Dagmadaas iyadoo dadkaasi kasoo daaleen xadhig & waliba dil aan lookala aabayeelin ruux wayn & ruux yarba.
Waxaa kale oo nagasoo gaadhaya isla Gobalkaas Fiiq & dagmooyinka hoos yimaada in lagu xareeyay Geelal badan oo qaar badan oo kamid ah laqashay qaar kalana wali lahayo oo laqali doono.

Waxaan ognahay inay dadkaasi ay kutiirsan yihiin xoo laha sida Geela sababta looxaraynayana aytahay ujeedo gaar ah oo micnaheedu uu yahay 'ha dhamaadeen" waayo waxaa kajirta deegaankaas mid kamid ah Abaarihii ugu darnaa ee dunida kadhacda dusheeda.

Majiraan wax hay'ada samafal ah oo kahoolgala halkaas loomana ogala. Waxaana aan kajirin sidoo kale wax Ganacsi ah oo dadku kutiirsan yihiin, waayo waxaa saaran mudo dheer cuna qabatayn, aanay soo gali karin wax gaadiid ah oo badeeco ama wax lacuna keena halkaas.

Geela laxaraynayo isla markaana laqalanayo ayaa ah meeshii ugu danbaysay xaga nolasha ee lagaadh siiyo nolosha shacabka s/galbeed.

Hadaba dadbadan oo waxgarad ah markay qiimeeyeen xaaladaas waxay ku qiyaaseen in ay tahay wax la odhan karo dadbaa bari halkan kunoolaan jiray. Sababtuna waxaa weeye waxaa ku habsatay Colaad, abaar & cuna qabatayn, waxaase iswaydiin leh dadkaas yaa umaqan oon ilaahay ahayn?

Email:Webmastar@soomaaligalbeed.com