|
Ugaas
Cabdi Mux'ed Qani oo Isagoo Garbaduuban Xalay lagu soo xidhay Magaalada
Jigjiga.
Warar lagu
kalsoon yahay ayaa sheegaya in Ugaas Cabdi Ugaas Muhumed Qani xalay Fiidkii
la keenay Xabsiga weyn ee ku yaal magaalada Jigjiga, Ugaaska ayaa horey
waxaa uu ugu xidhnaa magaalada Godey halkaas oo maamulka Lugbuur uu dhawaan
ku xidhay Ugaaska.
Xadhigga Ugaaska ayaa Shacabka ku dhaqan magaalada Godey ka dhiidhiyeen
iyagoo Mudaaharaadyo kala duwan ka sameeyay magaalada iyagoo ku tilmaamay
xadhiga Ugaaska mid aan Sharciga waafaqsanayn, Ugaaska ayaa hadda loo
soo gudbiyay Xabsiga weyn ee Jeel Ogaden ee ku yaal magaalada Jigjiga.
Ugaaska ayaa tobaneeyo maalmood ka hor lagu xidhay Godey iyadoo aan la
garanayn sababta loo xidhay, intii uu ku xidhnaa Godey ayaa Shacabka magaaladaasi
sameeyeen Mudaaharaadyo lagaga soo horjeeday xadhigga Ugaaska iyadoo Rabshadihii
wakhtigaa bilaabmay ay ilaa hadda ka taagan yihiin magaalada Godey oo
hadda aysan sugnayn Ammaankeedu. Ugaaska ayaan la garanayn xaaladda uu
kala kulmi doono Jeel Ogaden oo ah Jeel ku caan baxay xadhigga dadyowga
la waayo amase Guumaysigu qaniinsan yahay
Ciidamada Guumaysiga oo Habeennimadii
xalay ahaa Baadhitaanno Ka sameynayeen Qaybo ka mid ah Xaafadaha Magaalada
Jigjiga.
Ciidamada Guumaysiga ayaa habeennimadii xalay waxay baadhitaanno ka sameynayeen
qaybo ka mid ah Xaafadaha magaalada Jigjiga siiba xaafadaha ku dhex yaal
badhtamaha magaalada, baadhitaankan ayaa waxaa uu bilowday salaaddii maqrib
isagoo uu socday ilaa habeen badhkii, dadka lugta ah ayaa meel kasta lagu
baadhayay isla markaana la waydiinayay Waraaqaha Aqoonsiga.
Warku wuxuu intaa ku darayaa in sidoo kale xalay ay xidhnayd Wadada laamida
ah ee dhex martay magaalada Jigjiga taas oo gabi ahaanteedba xalay cidlo
ahayd iyadoo Ciidamada Guumaysigu u diiday dadkii Shacabka ahaa inay maraan
Wadadaas, baabuurta iyo dadka lugta ahiba waxay ka gooshayeen waddooyin
kale oo qalqalooc ah.
Baadhitaannadan ayaa ilaa hadda waxaa naloo xaqiijiyay in lagu qabqabtay
dad Shacab ah oo isugu jira haween iyo dhalinyaro tiradoodana lagu qiyaasay
ugu yaraan 30 qof, sidoo kale dadla la qabqabtay xalay ayaa waxaa ka mid
ahaa dadyow iyagu doonayay inay Jigjiga uga talaabaan dhinaca S/land oo
tahriibayaal ahaa kuwaas oo ka kala yimid Dhulka Oromada.
Ilaa hadda lama garan sababta keentay baadhitaankii xalay balse Maamulka
Kililka iyo Guumaysiguba markay wax ka shakiyaan amase cabsi niyadooda
soo gasho ayaa caado waxay u tahay baadhitaano noocan oo kale ah inay
ka sameeyaan magaalada iyadoo inta badan ku qabqabta baadhitaanadan dad
badan oo Shacab ah, Jigjigana baadhitaanku hadda waxaa uu ka noqdayba
wax iska caadi ah oo marwalba soo mara taariikhda Jigjiga.
Wiil
Soomaaliyeed oo Lagu Dilay Magaalada Rastanbark ee Wadanka S/afrika
Ayada oy
sii kordhaysay dhibaada laguhayo dadka qaxootiga ku aha k/afrika ayaa
waxaa noqday qofkii udambeeyay ee lagu dilo wadankaas wiil dhaliyara aha
oo lagu magacaabi jiray MAXAMD DEEQ OMAR IBRAHIM xili uu kusugnaa tukaan
kuyaala magalada macadanta iyo maarta laga qodo ee RASTAN BARK taas oo
kutaala waqooyi galbeed ee wadanka k/afrika.
Maxamd deeq
ayay budhacad hubaysan usoodhacaday tukaanka uu joogay mudo laga joogo
7aad kadib markii uu kuladhagay ama laqabsaday qorigii ay wadeen budhacadu.
markay usuuro gali wayday in ay wax dhacaan ama dilaan ayay isaga carareen
dukaankii.
Budhcadan
ayaa markale ku soo laabtay dukaankii maxed deeq iyagoo uu ujoodadoodu
uu ahaa in ay dilaan maxed Deeg sida uu goobjooge kusagan halaka uu kadhacay
dilka ayaa usheegay webka s/galbeed in marxuumka gacanta laga dhuftay
xabad kadibna uu damcay in uu baxsado hasayeeshee ay dhabarka kaga dhufteen
dhowr xabadood halkaasna uu ku qudhbaxay Max'ed Deeq.
Dadkaas
goobjoogayaasha ahaa ayaa xaqiijiyay in aysan waxba kaqaadanin budhcadu
dukaanka taas oo lagu macneeyay in uu dabasocdo falkani kii hore ee ay
budhcadu weerarka ugu gaysteen marxuumka.
Maxammad deeq waxaa da,diisa naloogusheegay in yahay 25 sano ifkana uu
kagatagay markii lagareebo walidkii iyo qaraabadiisa hal xaas oonan wali
ucuranin tas oo kunool magalada nairobe ee xarunta wadanaka kenya,
ABDI RASHIID ABDULLAHI AHMED
NAIROBI KENAY
E_mail cabdidhanan@hotmail.com
|