|
WARAR DHEERAAD AH OO KASOO BAXAYA
IS QAB QABSIGII KILILKA.
YAY KU HADHAY DAACADNIMADII MELES, YUUSE WIISHU QAADAY?
Wararka
ka soo baxaya Shirkii ay Madaxda Lugbuur iyo Malas ku lahaayeen Addis
Ababa ayaa sheegaya in uu ku dhammaaday guul darro, kaddib markii la isba
tusi kari waayay Lugbuur iyo Madaxdiisii, oo khilaaf xooggani ka dhaxeeyay.
Warku waxaa uu intaa ku darayaa in laga yaabo in la eryo Daa'uud oo ay
si xun iskugu dhacsanaayeen Lugbuur, waxaana laga yaabaa in Madax kale
oo fara badan la eryo si uu u yaraado khilaafka Maamulka Lugbuur.
Shirkan oo guul daradiisu ahayd mid Shacab weynaha Soomaaligalbeed ay
wada filanayeen ayaa waxaa laga yaabaa in maalinta bari ah ay dib ugu
soo laabtaan magaalada Jigjiga iyagoo midba hoosta ka guuxayo isla markaana
laga yaabo ciilka haya inay falal badan ku kici doonaan.
Shacabka S/galbeed ayaa isagu middan aad ugu faraxsan maadaama Madaxdii
Shacabkoodii lagu diray ay maanta iyagii dhexdoodii is wada haystaan oo
aysan jirin mid mid aaminsan iyadoo meesha uu ku hadhayo midka uu wato
Guumaysigu ee u jecel yahay inta kalena laga yaabo in dhammaantood la
wada eryo qaar kalena Xabsiga loo taxaabo
ROOBAB
LAXAAD LEH OO KA BILLOWDAY MAGAALADA JIGJIGA IYO NAWAAXIGEEDDA.
Waxaa Degaamo
dhawr ah oo ka tirsan Dhulka S/galbeed ka bilowday Roobab xooggan kuwaas
oo wakhtiyada habeenkii ah aad u da'a, Roobashan ayaa xooggoodu waxaa
uu ku da'aa magaalada Jigjiga iyadoo ay adag tahay socodku xilliyada habeenkii
ah markuu Roobku da'ayo.
Ma jiraan wax khasaare ah oo Roobashani gaysteen Walaw dadka Degaanku
aad ugu baahnaayeen Roobkan, maadaama xilliyadan lagu jiro wakhti kuleele,
sidoo kalena ay Abaaro jireen, Degaamo badan oo ka tirsan Dhulka Soomaaligalbeed
ayaa wali waxaa ka jira Abaaro taas oo sal dheeraatay isla markaana aysan
dadkaasi helin wax Roob ah. Sidoo kale biyo la'aan ayaa magaalooyinka
qaar iyagana lagaga soo waramayaa kaddib markii ceelashii ay dadka iyo
xooluhuba ka cabbi jireen ay gudheen Abaaraha dartood.
Haddaba Dhulka Soomaaligalbeed oo ah dhul dadkiisu ay u dhaxeeyaan Abaaro
ka jira Degaanka iyo Ciidamada Guumaysiga oo dhibaatooyin kala duwan u
gaysta Shacabka ayaan isagu wali helin wax gurmad ah oo wax ka qabta Abaaraha.
MAGAALADA
KISMAAYO OO AY GACAN KU HAYNTEEDA SI BUUXDA ULA WAREEGEEN MUJAAHIDIINTA
SOOMAALIYEED.
Ciidamada
mujaahidiinta maxaakiimta Islaamka soomaaliyeed ee jubooyinka oo ay taageerayaan
xoogaga Alshabaab ayaa sitoos ah ula wareegay magaalada kismaayo dagaal
mudo sadex maalmood ah kasoconayay guhaga magaalada kismayo.
Dagaalkan
oo maanta ahaa mid aad uxoogan oo ay ciidamada mujaahidiinta jubbooyinku
u adeegsadeen tabihii lagu yiqiinay dagaaladii dhex maray iyaga iyo hogaamiye
kooxeed yadii kadib markii ay dagaal gurmar ah ku tageen magaalada Muqdisho
iyo dagaalkii ay lagaleen hogaamiye kooxeed bare Hiiraale oo ah midka
ay maanta kaguulaysteen.
Mujaahidiinta
ayaa dagaal gacanta laysula tagay , looguna awood sheegtay maleeshiyadii
gacanta ku haysay magaaladaas kula wareegay magaaladaas oo hada ah mid
degen , iyadoon lagaranaynin halka uu abaaray bare..
Dagaalka
ayay ku dhinteen dad badan kuna dhaawacmeen kuwo badan oo isugu jira qaybihii
uu dagaalku udhaxeeyay iyo dad shacab ah oo ay haleeshay rasaastii laysku
adeegsanayay.
GACAN
YARAYAASHII LUGBUUR OO UU GAMGAME UGA FURMAY MAGAALADA JIGJIGA.
Waxaa magaalada
Jigjiga ka bilaabmay maanta Shir lagu gamgamaynayo Xildhibaanada Maamulka
Lugbuur kuwaas oo markii u horeysay Shir gamgame ah uga furmay magaalada
Jigjiga, Shirkan gamgameha ah ayaa waxaa ka soo qayb galay Madaxda Maamulka
Lugbuur intii ku hadhay Jigjiga iyo waliba Madax kale oo Guumaysiga ka
socda.
Shirkan gamgamaha ah ayaa waxaa lagu gamgamayn doonaa Xildhibaano badan
oo ka tirsan Maamulka Lugbuur kuwaas oo Maamulku u bogi waayay hawshooda,
inkastoo aysan jirin wax hawl ah oo loo xilsaaray maadaama ay Xildhibaano
matalayaan haddana waxyaabaha ugu waaweyn ee lagu gamgamaynayo waxaa ka
mid ah dhinaca Nabadgalyada.
Haddaba Shirkan gamgamaha ah ayaan la sheegin muddada uu socon doono iyadoo
laga yaabo in muddo ilaa dhawr maalmood ah uu socon doono Shirkan waxaana
laga yaabaa in Xildhibaano badan xilkooda xildhibaan laga qaado oo lagu
soo eedeeyo waxa uu Guumaysigu ugu yeedhay Nabad diid, waxaa yaab noqotay
in markii u horeysay Xildhibaano lagu gamgameeyo Jigjiga iyadoo waligeed
la iska dhaafi jiray maadaamo xil loo dhiibtay aysan jirin oo magaca xildhibaanimo
un huwisan yihiin haddana guumaysigu waxba ma celiyaanee Xildhibaanadii
ay doorkana diiraddu u saaran tahay Guumaysiga, waxaana loo wada hanqal
taagayaa waxa ka soo bixi doona Shirkaas gamgamaha ah.
|