Mid kamid ah shaqsiyaadkii ku bohoobay isbeheysigii argagixiso la dirirka ayaa lagu dilay deegaanka Siinaay ee magaalada Muqdisho.

Kooxo hubeysan ayaa toogasho ku dilay Ciise Cismaan Cali oo kamid ahaa xubnihii ku jiray isbeheysiga la dagaalanka argagixisada, iyadoo sidoo kale toogasho lagu dilay mid kamid ah ilaaladiisa.

Dilka kadib ayaa waxaa goobta soo gaaray maleeshiyo Mbagathi ah kuwaas oo tacshiirad ay fureen ay ku dhaawacantay qof haweeney ah.

Ninkaan maanta la dilay ayaa kamid ahaa xubnihii sameeyey isbeheysiga loogu magac daray la dagaalanka Argagixisada kaas oo ay meesha ka saareen maxkamadihii islaamka.

Waa markii ugu horeysay ee la dilo mid kamid ah shaqsiyaadkii ku bohoobay isbeheysiga la dagaalanka argagixisida.

MADAXDA MAAMULKA KILILKA OO LAGU GAMGAMAYNAYO MAGAALADA ADIS ABABA.

Waxaad waayo joogtaba marbuu wiishku kula kici!!.
Sida ay wararku tibaaxayaan waxuu shir gam game ah uga socdaa magaalada adis ababa madaxdii daba qoodhiga ee kililka oo ay maanta marayso in ay is fashiliyaan , cadeeyaana midkoodii nabad diid ah hadii kale ay mudanayaaan ciqaab waajib kooda ah.

Madaxda Degaanka oo aad isu khilaafsan daacad nimada ay u hayaan xukumadda males ayaa midba kan kale uu ku eedeynayo inuusan sax ahayn isla markaana uusan xilka sii hayn karin, Daa'uud oo ah Hoggaanka Abaabulka iyo Ka qaybgalka dadweynaha ahna ku xigeenka xisbiga talada degaanka haya ayaa isga waxaa lagu eedeynayaa inuu dhinacyo badan ka taakuleyn jiray Jabhadaha ku kacsan maamulka Degaanka, Cabdi Iley Hoggaanka Nabadgalyada Degaanka ayaa isna lagu eedeynayaa inuu dad badan oo Shacab ah oon waxba galabsan uu xabsiyada ka buuxiyay kuwaas oo uu usoo xidhxidhay inay yihiin waxa uu ugu yeedhay Nabad diidka. isaga laf ahaantiisa Jabhadaha mucaaradka ah dhinac ayuu xidhiidh kala leeyahay ayay ku eedeynayaan Xubno ka tirsan gudida fulinta. C/laahi Xasan Lugbuur Madaxweynaha Degaanka isaga eedeyntiisu waxay ku leeyihiin qaar ka mid ah Madaxda Degaanku Nabad galyada darada Degaanka ka jirta isagaa kaw ka ah oo sii abuuraya Nabadgalo la'aanta sidoo kale horumarkana waa uu wiiqay oo wax badan oo dhinaca Horumarka Degaanka ah waxba kamuusan qaban.

Fara isku taaga ay maamulka kililku isku hayaan ayay farax galinaysaa meles oo ah aabaha kala gaynta umadda s/galbeed iyagoo nimankii wadanka baa bi'iyay, shacabkiina eeda kagalay ay maanta ku ee daysan yihiin in ay kuwii ay ka eed galeen ay lamid yihiin ama ay wax tarayeen.

shalay ayay ahayd markii ay inta shacab badan isugu soo aruuriyeen goboladda wadanka s/galbeed ay gamgamaynayeen iyagoo isii gogol xaadhayay lakulankooda Zinawi.

KHILAAFKA U DHAXEEYA MAAMULKA KILILKA OO CIRKA ISKU SHAREERAY.

Waxaa maalmahan dambe Khilaaf xoogani u dhaxeeyay Madaxda sarsare ee Maamulka Lugbuur kuwaas oo si xun isku haystay isla markaana u jirsaday inay gacanta isu qaadaan, Khilaafkan ayaa waxaa uu kala ahaa laba saf, waxaa dhinac iskula jiray Lugbuur iyo C/fataax Sh. C/laahi oo ah Ninka haysta Xisbiga Sheegta Magaca Soomaaliga ee Guumaysiga u adeegga.

Sida ay sheegayaan Wararka xogagaal ah oo Warsidaha Soomaaligalbeed helayo Khilaafkan ayaa ka dhashay kaddib markii Madaxda Maamulka Lugbuur damceen inay xilka ka qaadaan C/laahi Lugbuur taas oo khilaaf xooggan keentay, iyadoo sidoo kale isla Madaxda Maamulka Lugbuur dhexdooda isku eedeeyeen inay yihiin Nabad diid, waa wixii Shalay ay Shacabka ku eedeyn jiray dad badan oon waxba galabsana u xidhi jireen waa Nabad diid.

Haddaba markii Khilaafkaasi socday maalmo ayaa sida caadada u ahayd Maamulka Lugbuur markay dhexdooda is qabsadaan waxay iskula kaceen oo ay talo iyo dhexdhexaadin u doonteen Ninkii ugu sareeyay Guumaysiga Meles kaas oo ay dhammaantood u wada kaceen si uu xal ugu raadiyo khilaafkan dhexdooda ka dhex dhacay, balse wali ma jirto wax xal ah oo ay gaadheen Madaxda Lugbuur iyo Malas toona.

Khilaafkan kala dhex yimid Madaxda Lugbuur ayaa u eg mid aad u weyn kaas oo sababi kara inuu burburo Maamulka Lugbuur maxaa yeelay waa markii u horeysay ee sidan oo kale ay isu qabsadaan Madaxdaasi iyadoo midka kan kale uu ka shakisan yahay, dadka Siyaasadda Degaanka indha indheeyana waxayba ku leeyihiin waa dhif sida uu u hagaago ama u xalismo khilaafkan waxayna u dhaw dahay in la kala diro Madaxda Lugbuur.

CANBAAREEYN KU AADAN XASUUQII KA DHACAY CARBISKA

Jaaliyadda Soomaaliyeed ee dalka k/afrika waxeey canbaareeyneysaa falkii waxshi nimada ahaa ee ku kaceen ciidamadda Ethiopia ee ku sugan agagaarka magaaladda afgooye taas ooy xabad iskaga fureen baabuurta shacabka BL-ka loo yaqaano.

jaaliyadu waxeey ku tilmaamtay falkaas mid loo la gol leeyahay dabargooyn & isir la dagaalan & gumaad lala beegsanayo shacabka soomaaliyeed ee madaniga ah,
Jaaliyadu waxeey tacsi tiiraanyo leh u diraysaa eheladii & qaraabadii eey ka geeriyoodeen walaalihii lagu gumaaday carbiska rabina waxaan u weydiineynaa inuu ka waraabiyo jannatul fardowso samir & silwaana ka siiyo eheladii & qaraabadii eey ka tageen,
Jaaliyadda soomaaliyeed ee dalka k/afrika waxeey u aragtaa arimaha lagu taarkad kareysanayo shacabka soomaaliyeed ee rayidka ah arin ka baxsan shuruucda caalamiga ah,
Jaaliyadu waxeey oogu baaqeysaa xukuumadda ethiopia iney ka waantowdo falalka waxshinimada ah ee ciidamadeedu ka wadaan soomaaliya gaar ahaan magaalooyinka mugdisho, baladweyne ee lagu ugaadhsanayo rayidka aana waxba galabsanin,
Jaaliyada soomaaliyeed ee dalka k/afrika waxeey shacabka soomaaliyeed u dardaarmeysaa samir & dulqaad dheeri ah ineey la yimaadaan taas ayaa laga bixi karaa xaaladda cakiran ee maanta uu marayo dalka soomaaliya,
wabilaahi towfiiq,
c/raxmaan Raabi
gudoomiye kuxigeenka jaaliyadda

XAFLAD LAGU SOO GABAGABEEYAY KOOBKII KUBADDA CAGTA EE GOBOLKA ESTRENCAPE EE WADANKA SOUTH AFRICA OO AY KU GUULAYSATAY KOOX LOOYAQAANO AL-SHABAAB.

Xaflad aad loosoo agaasimay oo lugu maamusayo munaasabad lugu xiraayo horyalkii Gobalka Eastern Cape ee Cariga K/Africa ayaa waxaa lugu qabtay Xafiiska Jaaliyada (SASA) Ee Gobalka Eastern Cape.

Xafladaas oo ay kasoo qaybgaleen dhinacyada kala gadisan ee Bulshada Rayidka ah ee Somalida ee ku dhaqan wadankan K/Africa Gobaladeeda kala gadisan.

Xaflada ayaa waxaa Soo qaban qaabisay Jaaliyada Somaliyeed oo ku guda jirtay dadaalo badan oo ay ku doonaysay in ay kor u qaado midnimada Bulshada.

Xaflada ayaa waxaa lugu furay sidii caadada aheedba Aayado Qur, aan ah.

Xaflada ayaa waxaa daadaheynayay Captankii Kooxda

AL-SHABAAB oo ah kooxdi ku Guuleysatay Koobka Mudanne MAXAMED XUSSEIN CABDI (MAXAMED CADDE)

Xaflada ayaa waxaa loo guda galay qaybaheedii kale waxaana meshii kahadlay Gudomiye Kuxigeenka Jaaliyada Gobalka Eastern Cape Mudane : C/Rahmaan Axmed Yuusuf (RAABI)oo meshii kasoo jeediyay Muxaadarro iyo Sidookale war murtiyeed aad usoo jiitay ka qayb galayaashii Xaflada wuxuuna ku nuux nuuxsaday in ay bulshada Lafdhabar u yihiin dhalinta oo ay ka kacaan fadhiga oo gacmaha is qabsadaan.

Waxaa sidokale kahadlay Xaflada Suldaanka Besha Absame Suldaan Siraaje oo ka mid ahaa Aas aasayashii Jaaliyada Somaliyeed Ee SASA Suldaanka ayaa wuxuu ku dheeraday wax qabadka dhalinta Somaliyeed iyo kaalinta ay ku leeyihiinBulshada wuxuuna ku dhiira galiyay dhalita Somaliyed meel kasto oo ay joogaan in ay noqdaan kuwa lugu xisabtamo oo dhaxdooda ahaado walaalo isjecel dhibka wadankeeni heestana aan meel ooga soo wada jeesano.

Waxaa sidoo kale kahadlay meshii dhalinyar badan oo kuwada mideeysan inay noqdaan kuwa dadkooda iyo dalkooda wax tara waxaana kamid ahaa Gudomiyaha dhalinta Magalada Port Elizabeth Mudane Mukhtaar C/laahi Qaybdiid (Flower) oo ku nuux nuuxsaday in uu isku dayaayo inuu wado mideeynta Dhalinta kudhaqan Gobalka asagoo amaan usoo jeediyay dhamaan dhalinyarada Somaliyeed ee isku dayeeyso in ay sii wadaan is dhaxgalka iyo mideynta bulshada Somaliyeed ee kudhaqan wadanka wuxuna sidookale amaan u jeediyay Jaaliyada Soomaliyeed oo wado sidii ay dhalinta u noqonlaheed mid anan xumaan ku mashquulin.

Waxaa sidookale kahadlay Xaflada Gudomiyaha Sportiga Mudana Muxuyadiin Nuur Jiiley oo ay ka muuqatay farxad aad u sareeyso asagoo amaan usoo jeediyay dhamaan marti sharaftii kasoo qayb gashay Xaflada Halkaasna kusoo bandhigay Koobkii Sanadka dhan lugu hardamayay ee uu gudoonsiiyay Kooxsa Alshabaab FC oo ah kooxda Hanatay Kobkii Horyalka Gobalka Eastern Cape ee Jaliyada Somaliyed ay u qaban jirtay Sanad walbo.

Sidookale waxaa lakala Gudon siiyay dhalinyarobadan Shahaada Sharaf ay ku mutaysteen dadaaladii ay u galeen midaynta iyo isku duwida Bulshada dhexdeeda.

Kaalintii Dhalinta Soomaliyeed ee Gobalka Eastern Cape.

1- Kaalinta Diinta & Dadnimada

2- Sportiga & Hormatintiisa

3- Kaalinta Waxbarashada & aqonkorarsiga

4- Dhalinyarada waa Hogaanka mustaqbalka Umada

5- Kaalinta Difaaca dadka iyo Dalka

Waxaa mutaystay Koobkii Leaga Koxda AL- SHABAAB FC

Waxaa Mutaystay Koobka Goal Dhalinta Mudane: Maxamed Macalin Mujaahid(MADKEY) Waxaa muteystay Koobka ASLuubta Mudane Cabdi Maxamed Carte (C/KAAT)

Walaalaha Mutaystay SHahaada Sharafta waxaa kamid ah

Aas aasa yaasha Jaaliyadda Ee Gobalka Eastern waxaa kamid ah:

1- Suldaan Maxamed Siraaje

2- Malaaq Xassan Nuur Jiiley

3- Sheikh Daahir C/rahmaan Sugelle

Maamulkii Jaaliyadda ee gutay hawlahooda shaqo waxaa kamid ah:

1- Muxuyadiin Nuur Jiiley

2- C/laahi Careys Daahir

3- Ismacil Cabdi Aadan Turky

Ganacsatadda Dhaqalaha Kubixisay Jaaliyada

1- Cali Saalax Axmed

2- C/rashiid Xussein (XABASHOW CADDE AFYARE)

3- AL-Jaziira Restaurant

Gaba gabadii waxaa kahadlay Xaflada oo sifiican ugunuux nuuxsaday wax qabadkii Jaaliyada Gudoomiyaha war faafinta Jaaliyada Mudane: MAXAMED SHARIIF C/WAHAAB (MAXAMED MILLE ) Dad waynihii mesha kaso qayb galayna ay aad ugu riyaaqeeyn hadaladiisii asagoo sidookale umahad naqay sida ay u shaqeynayaan dhamaan dhalinta saxafiyinta ah ee somaliyeed asgoo carabka ku dhiftay Saxafiyinta wadankan ku nool sida Mudane C/Naasir SAXANSOXO oo anan asaga Goob jog aheeyn iyo Ismacil turkey oo isagu ahaa qoraagi mesha fadhiayay ee ka socday waxda war faafinta

Reported by C/raxmaan Yarre Port Elizabeth imisseyou@homail.com
Tell: +27793222180

Email:Webmastar@soomaaligalbeed.com